PUTRAJAYA 12 JUNE 2026

தேர்தல் ஆணையம் (SPR), வரவிருக்கும் ஜொகூர் மாநிலத் தேர்தலுக்கான வாக்குப்பதிவு நாளை ஜூலை 11 என நிர்ணயித்துள்ளது. அதேவேளை, நெகிரி செம்பிலான் மாநிலத் தேர்தல் ஆகஸ்ட் 1 அன்று நடைபெறும்.

ஜொகூருக்காக, தேர்தல் ஆணையத் தலைவர் ரம்லான் ஹாரூன் வேட்புமனு தாக்கல் செய்யும் நாளாக ஜூன் 27 மற்றும் முன்கூட்டிய வாக்குப்பதிவுக்கான நாளாக ஜூலை 7 என்பதை அறிவித்தார்.

இன்று புத்ராஜெயாவில் நடைபெற்ற செய்தியாளர் சந்திப்பில் அவர் கூறுகையில், தேர்தல் கண்காணிப்பு பணியில் ஈடுபடுவோர் உட்பட 1A பிரிவு அஞ்சல் வாக்காளர்கள், தங்களது அஞ்சல் வாக்கு பதிவு விண்ணப்பங்களை ஜூன் 24-க்குள் சமர்ப்பிக்க வேண்டும் என்றார். வெளிநாடுகளில் வசிக்கும் மலேசியர்கள் மற்றும் பல்வேறு முகமைகள், அமைப்புகளில் பணியாற்றுவோர் தங்களது பதிவுகளை ஜூன் 19-க்குள் சமர்ப்பிக்க வேண்டும் என்றும் தெரிவித்தார்.

நெகிரி செம்பிலானைப் பொறுத்தவரை, வேட்புமனு தாக்கல் நாள் ஜூலை 18 ஆகவும், முன்கூட்டிய வாக்குப்பதிவு ஜூலை 28 அன்று நடைபெறும் என்றும் அறிவிக்கப்பட்டது.admin@sabthamstv